शक्ती स्वरूपिणी

भक्ती तुझिया ठायी
वाहिन मी
निज रूप तुझे दावुनी
घे आम्हासी तारूनी
वंदन आमुचे तुझिया चरणी
तू दुर्गा, तू गौरी, तू जगदंबा
तू चंडी अन् तूच चामुंडा
आणिक तूच महिषासुर मर्दिनी
विनाश करण्या दुर्जनांचा
होई तू सौदामिनी
झालीस तू सावित्री
नारीसी दान विद्येचे देऊनी 
नवरात्रीचे नवरंग लेऊनी
गेल्या दशदिशा त्या उजळुनी
व्रत, वैकल्ये करुनी
लाभेल सौख्य जीवनी
जाईल धन-धान्याने कोठार ते भरुनी.....

सौ. राजश्री सुहास जाधव.