गझल - ६

वृत्त :- व्योमगंगा लगावली :- गालगागा गालगागा  गालगागा गालगागा
मात्रा : २८

धुंदलेल्या या मनाला ... लागलेली आस आहे
गुंतले प्रेमात आता ...  तूच माझा खास आहे

तू दिलेल्या मोगऱ्याची ... फूल वेणी माळताना
धुंद वेड्या पाकळ्यांना ... यौवनाचा वास आहे

क्षण सुखाचे आज आले ... का करावी काळजी रे
तोड सारे बंध आता ...     रोखला मी श्वास आहे

प्रीत माझी साद घाली ...  दूर गेला तूच का रे
सावराया या मनाला ....  केवढा हा त्रास आहे

चांदराती आठवांनी ...  दाटले नयनांत पाणी
वाट पाहे साजनाची ... सोबतीला भास आहे

सौ. राजश्री सुहास जाधव.