ठिणगी एक द्वेषाची

ठिणगी एक द्वेषाची
होई धूळधाण आयुष्याची
असते इतुकीशी ही ठिणगी
परी व्यापते ती बुद्धी अवघी 

पुरेशी एक ठिणगी  द्वेषाची
जिला नसते दयामाया कोणाची
पेटवूनी रान सारे,
करते फरफट माणसाची 

ठिणगीत ताकद अफाट फार
क्षणात करते ती साऱ्यांचा संहार
करुनी कब्जा माणसांवरी
मिरवते स्वतःचीच मक्तेदारी 

ठिणगी एक द्वेषाची, रुजते मनामनात
अन् अडकवते माणसाला स्वतःच्याच जंजाळात
करते रागाची आणिक तिरस्काराची बरसात
होरपळून टाकते माणसाला अवघे जीवनात .....

सौ. राजश्री सुहास जाधव.