गझल १४

मात्रावृत्त :- ८×३ (२४)
वृत - अनलज्वाला

दोष कुणाला द्यावा आता  ठरवत नाही
मनास माझ्या काहीच खरे  समजत नाही...

ना हिणवावे कोणास कधी व्यर्थ असे ते
सुख दुसऱ्याचे  पाहिल्यावरी हसवत नाही...

ठेवले किती साठवुनी मी  मनात सारे
भावना अशा मुक्याने आज धरवत नाही ...

जीवनात या  घडायचे ते  घडून जाते
पुन्हा नव्याने आयुष्यास मी  घडवत नाही...

पायघड्या ह्या सुखाच्या किती अंथरल्या त्या
तरी भाव ते मनास माझ्या  सुखवत नाही....

सौ. राजश्री सुहास जाधव.