चिऊचं बाळ

चिऊचं बाळ
आहे भारी खट्याळ
पाहायचे होते त्यास आभाळ
जाता चिऊताई, घरट्याबाहेर पडलं
समोरच होता काऊ,
म्हणाला," अगं अगं चिऊ
बाहेर नको जाऊ !
नाहीतर, खाईल तुला माऊ.."
चिऊचं बाळ फार हट्टी
घेतली त्याने काऊशी कट्टी
अन् निघालं पुढं झटदिशी
झाडावर होता राघू
म्हणाला, " चिऊबाळा, नको रे असं वागू !
घरट्यात लवकर जा बघू.."
  चिऊचं बाळ म्हणालं,
" तुला करायचं काय रे राघू?
झालं काय तर, पुढचं पुढं बघू .."
तेवढ्यात समोर आली माऊ
म्हणाली बाळाला,
" अगं ये चिऊ, तुला गिळू की खाऊ? "
  चिऊचं बाळ खूप खूप घाबरलं
  पंख फडफडून उडू  लागलं
  उडता उडता भूर् आभाळी गेलं....

   सौ. राजश्री सुहास जाधव.