जग स्वतःसाठी.....

उठ रे बंदा 

अन् तोच धंदा

चालू असे सदा

कामे ती पाचवीला पुजली
स्त्रियांच्या सदासर्वदा
घरदार, नोकरी-चाकरी,
मुल-बाळ, त्यांचा सांभाळ,
दळण-कांडण, कामे ती हजार
तारेवरची कसरतच असते फार
केरवारा, सगा-सोयरा करता करता
होतो जीव घाबरा-घुबरा
येतो मग साऱ्याचा तिटकारा
अन् शोधू लागतो सुखाचा किनारा
' बास झालं...थांबावं आता,
जग तू स्वतःकरिता '
मिळे तो मनाला इशारा
मग होते सज्ज अन्
जगते स्वच्छंद,
हर एक क्षण सारा.....

सौ. राजश्री सुहास जाधव.