आर्त साद

सत्ता, संपत्तीच्या हव्यासापायी
मनुष्य रचतो कूटनीति
त्यातुनी नाना समस्या त्या उद्भवती
स्वार्थापोटी  त्यांच्या, निरपराध ते होरपळती
शोषण करूनी त्यांचे, गाजवू पाहतो
साऱ्या सृष्टीवर जणू त्याचाच अधिकार
पण नसे टिकणारे हे चिरकाल
माणसाला करण्यास माणूस
विधात्यालाच बदलावी लागली कूस
मग महामारी, महापूर, महागाई,
भूकंप एकामागुनी एक
संकटाचा घातला तू धुडगूस
पुरती फिटली माणसाची हौस
हे विधात्या, घेऊन जा हे सारे
तुझे उदात्त आणिक दातृत्वाचे
गुण आम्हा सकलांस तू दे रे .......

सौ. राजश्री सुहास जाधव.