शब्द....

शब्दांविना सारे असे फोल 
जाणून घ्या हो शब्दांचे मोल
शब्द असतात प्रेमळ, हसरे
अन् कधी लडिवाळ, रुसरे
कधी शब्द कडवट, बोचरे ,
कधी शब्द होती अंगार
कधी शब्द होती लाचार
शब्दांनी शब्द जोडती माणसाला
तसे शब्दांनी शब्द कारण असे तंट्याला
अलवार शब्द हे मनासी घालती फुंकर
अन् भेदती ह्रदयीचे अंतर
सूर-तालांचा साज चढवूनी
शब्दांतूनी होते गीत साकार
हृदयातील भाव जाणण्या शब्द हेच आधार
शब्दांविना सारे असे फोल
जाणिले मी हो शब्दांचे मोल 🌺🌺

सौ. राजश्री सुहास जाधव.