स्किल

       

🌹स्किल🌹 

      

सगळ्यांना सगळं येतं

असं कधी होत नसतं;

पण ज्याला जे येतं ते

खूप छान असतं.

कारण ते ज्याचं त्याचं स्कील असतं.

कोषातच गुरफटून न राहता

सुरवंटाचं फुलपाखरू होतं

हे त्याचं स्कील असतं.

विद्रूप असले जरी पाय

मयुरासम पिसारा फुलवून

नृत्य करणे जमेल काय?

कारण हे त्याचं स्कील असतं.

मातीतून सोनं पिकवणं

हे बळीराजाचं स्कील असतं.

कर्ता करविता तो ईश्वर

कधी, कुठं, कसं, काय, कोणास निर्माण करावं

हे त्याचं स्कील असतं.

आणि दाद कशी, कधी, कुठे, कोणास द्यावी

हे ज्याचं त्याचं स्कील असतं.

सगळ्यांना सगळंच येतं

असं कधी होत नसतं

पण ज्याला जे येतं

ते खूप छान असतं

खूप छान असतं.

                  राजश्री....✍️