मोजताना फुले बागेतली
एक कळी खुदकन हसली
देखुनी त्या कळीस,
मनात अलवार भावना जागली
मोहक तिचे रूप ,
साठवले मी डोळ्यांत
केव्हा खुलेल कळी ती फुलात ?
उमटले सहज भाव ते अंतरंगात ....
दडली होती जरी ती पानाआड
न होऊ दिले तिस मी नजरेआड
आला हळुवार एक कवडसा किरणाचा
स्पर्शून त्या कळीस, केले प्रेम जीवापाड
अन् झाले कळीचे फूल क्षणात
पाहुनी त्या आविष्कारासी,
भिणला आनंद रोमारोमात ....
🌹🌹🌹🌹🌹🌹🌹🌹
सौ. राजश्री सुहास जाधव.
अतिशय सुंदर रचना 👌👌
ReplyDeleteNice thim
ReplyDelete