संयम

मनासी घालूनी कुंपण
राखा हो सर्वांनी संयम ||
संयम असावा क्रोधावर
अन् वखवखणाऱ्या लोभावर
संयम असावा आचरणावर
अन् नर-नारीतील भेदावर
मनासी घालूनी कुंपण
राखा हो सर्वांनी संयम ||
संयम असावा एक पत्नीव्रत श्री रामासम
संयम असावा मीरेच्या भक्तीसम
अन् श्री हनुमानाच्या शक्तीसम
मनासी घालूनी कुंपण 
राखा हो सर्वांनी संयम
तरच सुखी होईल जीवन
हाच असे जगण्याचा नियम ||

सौ.राजश्री सुहास जाधव.