सौंदर्याचा शोध ....

सौंदर्याचा प्रवास सुरू होतो,
हृदयाकडून हृदयात ,
जाणतो तेव्हाच खरे,
सौंदर्य दडले आहे कशात? ...

बाह्य सौंदर्य हे काय कामाचे ?
जर हृदयच नसेल ते प्रेमाचे
सौंदर्याचा बहर जातो ओसरून
परी सुंदर, निरागस मन ते
निरंतर  तसेच राहते बहरून ....

शोधले सौंदर्य तर गवसेल सहज
त्यासाठी लागते तशा दृष्टीची गरज
सौंदर्य दडले आहे आपुल्या मनात,
अन् त्याकरिता हवा आत्मविश्वास
जो करील आपुल्या सौंदर्याचा विकास ....

सौंदर्य म्हणजे नाही नुसतेच देखणे
प्रेमाने बोलणे, कामात झोकून देणे,
एकमेकांना समजून घेणे, अंतर्मन शुद्ध असणे
आहेत ही सारी सौंदर्याची लक्षणे ....

ह्या साऱ्या गुणांनी असेल जो परिपूर्ण
तिथेच होईल शोध सौंदर्याचा पूर्ण
अंतरंग सुंदर तो खरा सुंदर
करावी ह्याच सौंदर्याची  खरी कदर ....

सौ. राजश्री सुहास जाधव.