पुस्तक परी

NGO मार्फत प्राथमिक शाळेमध्ये ' पुस्तक परी ' म्हणून काम करत असताना, त्या वर सुचलेली माझी ही कविता नक्की वाचा.

     पुस्तक परी

प्रत्येक मूल लाख मोलाचे
ठेऊनी जाण मनी
घेऊनी पुस्तकांची शिदोरी
गोष्टीचे पंख लेऊनी
आली ही पुस्तक परी ||
श्रवण, वाचन, लेखन, संभाषण
साऱ्या आहेत या भाषेच्या क्षमता
त्याकरिता घेऊनी आलो आम्ही
उपक्रमात विविधता.
गाणी, गोष्टी ऐकताना मुले होतात दंग
इयत्तेनुसार दिलेल्या चित्रांत लिलया भरतात रंग.
मुळाक्षरे ते जोडाक्षरे; खडतर असली वाट जरी
अखेर गाठणार आम्ही यशाची पायरी.
घेऊनी पुस्तकांची शिदोरी
गोष्टीचे पंख लेऊनी
आली ही पुस्तक परी ||
वाचनस्पर्धा, कथाकथनातून
मुलांतील सुप्त गुणांना मिळतो वाव
जोडीला घेतला जातो उपक्रम जोडाक्षर सराव.
प्रवाहात शिक्षणाच्या यावे प्रत्येक मूल
ठेऊनी आस ही उरी
घेऊनी पुस्तकांची शिदोरी
गोष्टींचे पंख लेऊनी
आली ही पुस्तक परी ||

सौ.राजश्री सुहास जाधव.