किरण आशेचा...

जागवा एक किरण आशेचा
होईल सूर्योदय जीवनाचा
क्षितिजापार जाऊ दे
झेंडा तो आपुल्या कर्तृत्वाचा ....

जागवा एक किरण आशेचा
फिटू ते अंध:कार जीवनाचा
दुःखाने ग्रासलेल्या जीवास त्या,
द्या हात तुमच्या मदतीचा ....

जागवा एक किरण आशेचा
जो देईल विचार, परिवर्तनाचा
नारी तू नाहीस अबला,
रचशील इतिहास तू यशाचा ....

जागवा एक किरण आशेचा
होऊ दे  नायनाट दुराचाराचा
रुजू दे बीज संस्कारांचे,
होईल जागर  सद्भावनेचा ....
🌿🌿🌿🌿🌿🌿🌿🌿🌿

सौ. राजश्री सुहास जाधव.